Asimi assilisat oqaluttuartut
Françoise Funk-Salamí assiliisartuuvoq "Silap ingerlaasia – The Way the World Moves"-ilu qulequtaralugu saqqummersitsilluni. Saqqummersitsinissaq sioqqullugu ukiuni qulini Kalaallit Nunaannut atassuteqarsimavoq Kalaallillu Nunaanni pinngortitamut, oqaatsinut inuinullu asanninneq angisooq pigalugu. Asimi assilisat maanna postkortitut naqiterneqarsimalerput webshoppitsinnilu pisiarineqarsinnaallutik.
Sermimik soqutigisaqarnini pissutigalugu Françoise Funk-Salamí ukiut qulit matuma siorna Avanersualiarpoq. Tassanilu assilisat atorlugit ukiuni arlalinni ingerlanneqartussamik piviusulersaarummik suliniut aallartippaa maannalu qanigisaminik ikinnguteqalerami Avannaa ukiut tamangajaasa uterfigisarlugu.
Françoise Funk-Salamí ETH Zürichimi glaciologi - sermimik serminillu iigartartunik ilisimatusarneq - immikkut sammisaralugu geovidenskabip iluani ilinniagaqarpoq. Pinngortitamik ilisimatusartutut tunuliaqutaqarnera assiliisartutut suliaani takuneqarsinnaalluarpoq, kulturikkummi inuunerup pinngortitap avatangiiserineqartup allanngoriartornera ilutigalugu assinganik allanngoriartornera ukkatarineqarmat.
Assiliaq assiliaannartut isiginngilaa – aamma tusarnaarnissamut, eqqaamasaqarnissamut oqaluttuallu oqaluttuarinissaannut atorneqarsinnaavoq.
Kalaallit Nunaata pinngortitaani tikeraartuinnaavunga
"Kalaallit silarsuarmik paasinnittaaseqarnerat arlariinnik paasineqarsinnaaneranik inummiillu tamakkiisumik paasineqarsinnaannginneranik aallaaveqarpoq. Taamaattumik inuit allanngornernut aqqusaakkaminnut annertuunut naleqqussartuarput – pisariaqartitsinertik tunngavigalugu, allamik qinigassaqannginnertik pissutigalugu.
Nunat, pinngortitami pissuseqatigiinnerit kulturitoqqallu qanoq qajannartiginerisa, aammalu maniguunnerup nalitsinni qajannartumi sammineqarnissaat kissaatigaara. Kulturimi oqaluttuarisanni tikeraatut imminut isigivunga, assilisannilu tamani ataqqinninneq taanna pigiuarpara."
Postkortit arfinilikkuutaarlugit webshoppitsinni pisiarineqarsinnaapput