Sisi’p pitsaaqutiginerpaavaa ikinngutit peqatigineri!
Sisi peqatigalugu aasakkut tammaarsimaaqataagit – kalaallit meerartaannut angerlarsimaffiup avataanut inissinneqarsimasunut suliniutitsinni. Nuannersunik misigisaqarfiullunilu ikinngutit ilangerujoornissaannut inissaqartitsisoq.
Pingasunngornerup ullaakkua aallartipoq seqinnarimmi oqquiffiup qulaani spejderit illuaraata 100 meterit qulaatungaani, meeqqat 13-it, meeqqanut ilaqutariinnullu siunnersuisartut marluk aamma Sisi-mi piumassusertik aallaavigalugu sulisut najugaanni atuarfiit atuanngiffiisa sapaatip akunnerisa siullianni. Niviarsiaqqat marluk siniffiup puuminni unnuisimapput orpippassuullu nipaanik ullaaralaaq itersimallutik. Illuaqqamut nipaarsaarlutik iserput, ikinngutitik itersarniarlugit.
Ullup siuliani tamarmik angalaarsimapput, taamaammallu ulloq toqqissisimasumik aallartinnissaanik pisariaqartitsipput, ullullu qeqqata siorna peqatigiinnissartik piffissaqarfigilluassallugu. Illuaqqap silataani arsartoqarpoq, siniffinni nivingasuni eqqissisimaarujoortoqarpoq kiisalu atuakkanik kalaallit oqaluttuatoqaannik imalinnik atuartoqalaarluni. Niviarsiaqqap arfineq pingasut missaanik ukiullip nukappiaqqat annerit ilaat tingusarisimavaa, pinnguarlutillu qimmerisuusaarlugu.
Ullup qeqqasioreeramik tatsip sinaanut naloraarlutik nillarserput. Aalisakkanik panertunik nagguteeqqanillu taquarput, sikutornissarlu aamma inissaqartinneqarpoq assullu aamma pinnguarnissaq.
Illuaqqamut uteramik allarutit masattut manineqarput, illuaqqap annerup silataani savamit bøffelianik suluppaakkanillu ikumatitami siaasaajutigalutik. Maanna unnunnerulersimavoq, qimmiusaarnissamullu piffissaqalaarluni, meeqqanut arlaqarnerusunut siammaassimasumik. Innartarfiup nalaani nukappiaqqat annerit ilaasa madrassitik oqquiffimmut annissimavaat tassani sininniarlutik, inersimasut sininnissamut atuffassinerini, kalaallisullu sinnassaammik erinarsorlutik. Ulloq seqinnarimmi nuannersimavoq, aqagulu ikinngutigiit angalaaqqissapput.
