Sumiiffimmi ataatsimoorneq, meeqqat peqqissut aamma illup qalianut pappialarsuit naammattut
Aasaq manna nammineq kajumissutsiminnik sulisut nunanit tamalaaneersut Kullorsualiaassapput. Meeqqat pinnguaqatiginissaat pinnagu, kisianni Kulllorsuarmiut namminneq meeqqat inuunerissuunissaannut pingaarutilittut toqqagaasigut ikiorserniarlugit: Ineqarnikkut pissutsit pitsaasut amigaataanerat.
“ Ukiuni arlalinni Kullorsuarmi nunaqarfimmi aqutsisut qanimut suleqatigivagut, nunaqarfimmi nukissallit tapersersorniarlugit, nunaqarfimmi meeqqanik inuusuttunillu sullissiniarneranni. Ajornartorsiutit annertuut ilagaat, illut ilaat aserfallassimangaaramik, allaat meqqat ingerlalluarnissaannut akornutaasinnaallutik – taamaammallu aasaq manna tamatumuuna ataatsimoorluta suliniuteqassaagut.” taama oqaluttuarpoq Evi Kreutzmann, Nuummi Kalaallit Meerartaasa allattoqarfianni pisortaasoq. Meeqqat peqqissuunissaat ingerlalluarnissaallu pillugit suleqatigiissaagut
Meeqqat peqqiissuunissaat ingerlalluarnissaallu pillugit ikioqatigiippugut
Juulimi nammineq kajumissutsiminnik sulisut arfineq-pingasut tikissapput, Kullorsuarmiullu peqatigalugit illut pitsanngorsartariaqarlutillu iluarsaattariaqartut suliarissallugit. Atortussat soorlu qisunnik aanaveersaatit illullu qaliaannut pappialarsuassat siumoortumik nassiunneqareerput, suliaq ingerlaannaq aallartinneqarsinnaanngorlugu.
”Nujakkami suliniummut tapersersuineq annertoqaaq, Kullorsuarmiullu peqataajumassusiat misigalugu qiimmaallannaqaaq. Ilaat illunik iluarsartuussinermut peqataassapput, allat allatigut ikiuutissapput, assersuutigalugu nammineq kajumissutsiminnik sulisunut nerisassiortuullutik. Tamatuma najukkami peqataajumassuseq annertooq takutippaa, suliassarlu ataatsimoorluta isumagissavarput,” Evi Kreutzmann oqaluttuarpoq.
Suliniut ilaatigut taperserneqarpoq NunaFonden-imit