Nuuk Water Taxi-p meeraalluarneq tapersersorpaa
Nuuk Water Taxi-ip inunnik imaatigut angallassigaangami, Kalaallit Meerartaasa suliniutimigut, meeqqanut inuusuttunullu pitsaasumik allanngueqataaniarnerat ilanngullugu oqaluttuarisarniarpaat.
2017-imiilli Nuuk Water Taxi-p Nuup eqqaani nunaqavissut takornarissallu angallattarpaat.
”Kalaallit Meerartaannit nuannaarutigeqaarput Nuuk Water Taximut ilaallutik angallattartorpassuarnut, suliniutitta ilisimaneqarnerulernissaat tapersersorusummassuk. Tamanna meeqqanut inuusuttunullu iluaqutaassaaq”, allaffeqarfiup pisortaa Evi Kreutzmann Kalaallit Meerartaanneersoq Nuuk Water Taxip suleqatiginera pillugu oqarpoq.
Aasaq manna umiatsiat tamarmik Kalaallit Meerataasa, meeqqanut inuusuttunullu suliniutaat pillugit paasititsiniutinik ilioraavigineqarsimapput. Tassani tikeraat suliniutinik paasisassarsiorsinnaallutillu meeqqanut inuusuttunullu pitsanngorsaataasinnaasunik qulakkeerinneqataasussanik tapiisinnaapput.
”Nuannaarutigeqaarput tulluusimaarutigalugulu Kalaallit Meerartaat taperserlugu suleqatigisinnaagatsigu – nunatsinnut tikeraat pinngortitaq tupinnaqisoq kisiat misiginagu, aammali Kalaallit Nunaanni meerartatta tapersersornerisigut siunissatsinnut taperseeqataasinnaammat”, Anders Lykke Laursen - Nuuk Water Taxi-meersoq oqaluttuarpoq.
Suliffeqarfik pillugu uani paasisaqarnerusinnaavutit nuukwatertaxi.gl
